Alexander Van der Bellen

Z Wikipedije, swobodneje encyklopedije
Dźi do: Nawigacija, Pytać
Alexander Van der Bellen (2016)

Alexander Van der Bellen (* 18. januara 1944 we Wienje) je awstriski hospodarski wědomostnik a politikar Zelenych. Při prezidentowych wólbach w Awstriskej dnja 4. decembra 2016 doby wón 53 % hłosow a je tuž wot 26. januara 2017 zwjazkowy prezident Awstriskeje.

Wot 1976 hač do 1990tych lět bě Van der Bellen uniwersitny profesor hospodarskich wědomosćow w Innsbrucku a Wienje. Wot 1997 do 2008 bě zwjazkowy rěčnik awstriskich Zelenych a wot 1999 do 2008 zdobom frakciski předsyda (Klubobmann) swojeje strony w awstriskim parlamenće. Wot 2012 do 2015 bě čłon Wienskeje gmejnskeje rady. 2016 kandidowaše oficielnje jako njewotwisny kandidat při prezidentowych wólbach.

Van der Bellen je k druhemu razej woženjeny a ma z prěnjeho mandźelstwa dweju synow.

Wotkazaj[wobdźěłać | žórłowy tekst wobdźěłać]

 Commons: Alexander Van der Bellen – Zběrka wobrazow, widejow a awdiodatajow
Z Wikipedije, swobodneje encyklopedije