Susann Šenkec

Z Wikipedije, swobodneje encyklopedije
Dźi do: Nawigacija, Pytać

Susann Šenkec (němsce Susann Schenk; * 1976 w Drježdźanach) je generalna sekretarka Federalistiskeje unije europskich narodnych mjeńšin (FUEN) ze sydłom we Flensburgu a wot 22. nowembra 2016 jako naslědnica Jana Budarja předsydka załožboweje rady Załožby za serbski lud.

Wona je so w Drježdźanach narodźiła a w Budyšinje a Měrkowje narostła. Po maturje na Serbskim gymnaziju studowaše w Lipsku a Drježdźanach. Wotzamkny swój studij jako diplomowa komunikaciska hospodarka při Berlinskej Uniwersiće wuměłstwow (UdK).

Pod jeje nawodnistwom wotewrě FUEN w lěće 2014 kontor Domu mjeńšinow we Flensburgu a europski běrow w Brüsselu kaž tež zastupnistwo FUEN a dźěłoweje skupiny němskich mjeńšin w Berlinje.

Susann Šenkec ma štyri dźěći a bydli w Oxlundźe w Schleswigsko-Holsteinskej.

Z Wikipedije, swobodneje encyklopedije